N: Dynovo
Wer sueched mir?
Mit ere kaufmännische Usbildig im Sack häsch du dich im technische Berich witerbildet und chasch Erfolgsuswis im Vertrieb vo Reinruumzuebehör oder vo ähnlich aspruchsvolle Produkt vorwise. Du kennsch dich mit CRM-System (idealerwiis D365) und MS-Office-Programm us. Sehr gueti Dütschkenntniss sind essenziell und Englischkenntniss wünschenswert.
Was machsch du bi eus?
Du betreusch eusi bestehende Chunde i de Region Ostschwiiz (Züri bis St. Galle) und bausch durch aktivi Chundeakquise euse Chundestamm kontinuierlich us. Du beratisch eusi Chunde bi de Produktewahl, bsuechsch sie vor Ort und schuelsch sie i de korrekte Awendig vo eusne Produkt.
Wie du zu eus passisch?
Chundeberatig und -akquise isch dini Liideschaft – du liebsch de täglichi Kontakt mit Chunde und bisch gern unterwegs. Du schaffsch selbständig und strukturiert, bisch hilfsbereit und mit ere gsunde Portion Ehrgiz usgstattet.
Was büted mir dir?
Ieusem motivierte Team bisch du es wertvolls Mitglied. Eusi Ahstelligsbedingige sind fair und ziitgmäss. Mir büted dir en attraktive Bonusplan, d‘Arbetszite sind flexibel und d‘Entscheidigsweg churz. Bi de Gstaltig vo dinere Arbet lönd mir dir viel Freiruum und büted dir mit eusem Backoffice Team wertvolli administrativi Unterstützig, damit du dich uf de Vertrieb konzentriere chasch.
Hesch no Frage? Falls ja, bitte ungeniert melde. Du erreichsch eus per E-Mail (tuelin.hamurtekin@dynovo.ch)
Du hesch s Gefühl, dass chönti de passendi Job für dich si? Super, den schick eus doch bitte dini vollständige Bewerbungsunterlage per Mail.
N: Dynovo
